सॅमसंगची स्मार्ट रिंग भारतात लाँच, जाणून घ्या किंमत आणि फीचर्स

कंपनीने या लॉन्चची माहिती आधीच दिली होती आणि मागील 6 दिवसांपासून प्री-बुकिंग देखील सुरू झाले होते. सॅमसंगने या रिंगमध्ये अनेक दमदार फीचर्स दिले आहेत.

तुम्हाला Samsung Galaxy Ring घ्यायची असेल तर त्यासाठी तुम्हाला एकूण 38,999 रुपये खर्च करावे लागतील. यामध्ये तुम्हाला टायटॅनियम ब्लॅक, टायटॅनियम सिल्व्हर आणि टायटॅनियम गोल्ड असे तीन प्रकारचे कलर ऑप्शन्स मिळतात. ही स्मार्ट रिंग 5-13 ते 9 आकारात उपलब्ध आहे. आता ही स्मार्ट रिंग सर्व ग्राहकांसाठी सॅमसंग इंडियाच्या वेबसाइटवर खरेदीसाठी उपलब्ध करून देण्यात आली आहे.

सॅमसंग गॅलेक्सी रिंग स्लीक टायटॅनियम फिनिश डिझाइनसह येते. त्याची टायटॅनियम फ्रेम खूपच आकर्षक आहे जी दैनंदिन कामात वेगळा लुक देते. रिंगमधील बॅटरीची लेव्हल पाहण्यासाठी बटणाभोवती एलईडी लाइट देण्यात आला आहे. तुम्ही ही स्मार्ट रिंग वायरलेस पद्धतीनेही चार्ज करू शकता. कनेक्टिव्हिटीसाठी या सॅमसंग गॅलेक्सी रिंगमध्ये ब्लूटूथ v5.4 व्हर्जन देण्यात आले आहे. तसेच यामध्ये तुम्हाला 8Mb स्टोरेज मिळेल.