कुऱ्हाडीत विकासाचा ‘ट्रिपल धमाका’! ग्रामपंचायत कार्यालय, बिरसा मुंडा सभागृह आणि ३३ के.व्ही. उपकेंद्राचे लोकार्पण; राज्यमंत्री मेघना साकोरे बोर्डीकर यांच्या हस्ते कामांचा शुभारंभ
प्रजाशाहीचा आवाज: विशेष प्रतिनिधी 
कुऱ्हाडी: (१५ नोव्हेंबर २०२५) – राज्याचे नेतृत्व ग्रामीण भागाच्या विकासासाठी किती गंभीर आहे, याचा प्रत्यय आज कुऱ्हाडी येथे आला. ग्रामपंचायत अंतर्गत पूर्ण झालेल्या तीन महत्त्वाकांक्षी विकासकामांचा लोकार्पण सोहळा आज राज्यमंत्री मेघना साकोरे बोर्डीकर यांच्या उपस्थितीत मोठ्या उत्साहात पार पडला. या ‘विकास त्रयी’मुळे कुऱ्हाडीच्या सामाजिक व आर्थिक प्रगतीला नवी दिशा मिळणार असल्याचे मत ना. साकोरे-बोर्डीकर यांनी यावेळी व्यक्त केले.
> “मुख्यमंत्री देवेंद्रजी फडणवीस यांच्या दूरदृष्टीमुळे ग्रामीण महाराष्ट्रात आज मोठी विकासकामे उभी राहत आहेत. कुऱ्हाडी येथे उभारलेले अत्याधुनिक ग्रामपंचायत कार्यालय प्रशासकीय सुविधांचे केंद्र बनेल, तर क्रांतीसूर्य बिरसा मुंडा सभागृह गावाच्या सांस्कृतिक आणि सामाजिक उपक्रमांना चालना देईल. सर्वात महत्त्वाचे म्हणजे ३३ के.व्ही. चे उपकेंद्र येथील नागरिकांचे जीवनमान सुधारण्यास व शेतीत समृद्धी आणण्यास मदत करेल.” – मेघना साकोरे बोर्डीकर, राज्यमंत्री.
लोकार्पण सोहळ्यासोबतच, ग्रामस्थांनी आयोजित केलेला नागरी सत्कारही राज्यमंत्री महोदयांनी आदरपूर्वक स्वीकारला. महायुती सरकार खऱ्या अर्थाने ग्रामीण महाराष्ट्राला विकासाच्या नव्या उंचीवर घेऊन जाण्यासाठी कटिबद्ध असल्याचा पुनरुच्चार त्यांनी यावेळी केला.प्रमुख उपस्थितांची मांदियाळी:
या महत्त्वपूर्ण सोहळ्याला राजकीय, सामाजिक आणि प्रशासकीय क्षेत्रातील अनेक मान्यवर उपस्थित होते, ज्यात प्रामुख्याने मा. आ. श्री. रामप्रसादजी बोर्डीकर, भाजपा जिल्हाध्यक्ष मा. श्री. सुरेश भाऊ भुमरे, जि. उपाध्यक्ष मा. श्री. बाळासाहेब जाधव, कृ.उ. बा. समिती सभापती मा. श्री. गंगाधरराव बोर्डीकर, भाजपा जिल्हा महामंत्री डॉ. पंडितराव दराडे, जिंतूर तालुकाध्यक्ष श्री. गोविंदभाऊ थिटे आणि जिंतूरचे मा. नगराध्यक्ष श्री. प्रताप देशमुख यांचा समावेश होता.
यावेळी आदर्श सरपंच भास्करराव पेरे पाटील, गोविंद थिटे, हरलाल चव्हाण, रामराव घुगे, सुनील मते, राजाभाऊ घुगे, विकास जाधव, प्रकाश पवार, डॅा. कऱ्हाळे, सुभाष काजळे, रोहिदास राठोड, माधव दराडे, महादेव ईघारे, संतोष राठोड, रामकोर ताई आणि रवि रनबावळे यांसह मोठ्या संख्येने पदाधिकारी, कार्यकर्ते व ग्रामस्थ उपस्थित होते.
हा लोकार्पण सोहळा कुऱ्हाडीच्या विकासाच्या प्रवासातील एक महत्त्वपूर्ण टप्पा ठरला आहे.